काठमाण्डौ,२१ पुस ।
आज पनि देशभरको मौसम बद्ली भएको भएको छ ।
देशका हिमाली र उच्च पहाडी जिल्लामा आज पनि हिमपात हुने र अन्य केही ठाउँमा पानी पर्ने सम्भावना रहेको जल तथा मौसम विज्ञान विभागले जनाएको छ ।
लुम्बिनी,गण्डकी, सुदूरपश्चिम र कर्णाली प्रदेशका केही ठाउँमा पानी पर्ने सम्भावना रहेको मौसमविद् गंगा नगरकोटीले जानकारी दिए । वाग्मती प्रदेशका एक÷दुई ठाउँमा पनि हल्का पानी पर्ने सम्भावना रहेको उनले बताए ।
पश्चिमी वायुको प्रभावका कारण गएको आइतबारदेखि देशभरको मौसम बद्ली भएको छ । यो प्रणालीको प्रभाव भोलिदेखि भने कम पर्ने मौसमविद् नगरकोटीले बताए ।
उनकाअनुसार भोलि लुम्बिनी, गण्डकी, वाग्मती,प्रदेश दुई र १ का धेरै ठाउँमा घाम लाग्ने जल तथा मौसम विज्ञान विभागको पूर्वानुमान छ । तर कर्णाली र सुदूरपश्चिम प्रदेशमा भने भोलि पनि मौसम बद्ली भएर हिमपात र वर्षाको सम्भावना रहेको उनले जानकारी दिए ।
