दाङ,१७ असोज ।
दाङमा दुईवटा मोटरसाइकल आपसमा ठाेक्किएर दुईघटना हुँदा एक जनाको मृत्यु भएको छ ।

तुलसीपुर उपमहानगरपालिका–१८ चौखोलास्थित सडकमा लु.प्र.०२–००२ प ५२९० नम्बरको मोटरसाइकल र रा.३ प ७५६ नम्बरको मोटरसाइकल एकापसमा ठक्कर खाएको थियो ।

शनिबार दिउँसो भएको दुर्घटनामा रा.३ प ७५६ नम्बरको मोटरसाइकल चालक सोही ठाउँ बस्ने ५८ वर्षीय तेज बहादुर चौधरीको मृत्यु भएको नेपाल प्रहरीको केन्द्रीय समाचार कक्षले जनाएको छ ।

दुर्घटनामा गम्भीर घाइते भएका उनको मेडिकल कलेज कोहलपुर बाँकेमा उपचारको क्रममा मृत्यु भएको हो ।

प्रहरीले लु.प्र.०२–००२ प ५२९० नम्बरको मोटरसाइकल चालकलाई नियन्त्रणमा लिएको छ ।

दुर्घटनाका सम्बन्धमा थप अनुसन्धान भइरहेको प्रहरीले जनाएको छ ।