नवलपरासी,१४ भदौ ।
रसुवाको काेशी र त्रिशूली नदिमा आएको बाढीले बगाएका मध्ये
नवलपरासी पश्चिमको नारायणी नदी किनार तथा आसपासका क्षेत्रमा ५७ वटा शव र शरीरका २५ वटा मानव अंग फेला परेका छन् ।
लुम्बिनी प्रदेशकाे आन्तरिक मामिला, कानुन, उद्योग तथा यातायात मन्त्रालय अन्तर्गतको प्रदेश आपतकालिन कार्यसञ्चालन केन्द्रका अनुसार भदौ १३ गते राति १० बजेसम्म ती शव तथा अंग फेला परेका हुन् ।
मन्त्रालयका अनुसार भदौ ११ गते २७ वटा शव र एक वटा शरीरको अंग फेला परेको थियो । तीमध्ये आठ महिला, १६ पुरुष, एक बालक र दुई बालिकाको शव छन् । भदौ १२ गते सात वटा शव र १२ वटा शरीरका अंग गरी १९ वटा फेला परेका थिए ।
त्यस्तै, भदौ १३ गते २० वटा शव र १५ वटा शरीरका अंग फेला परेका छन् । तीमध्ये पाँच महिला, १३ पुरुष, एक बालक र एक बालिकाको शव छन् । भदौ १४ गते ३ जनाको शव फेला परेको छ ।
