राेल्पा,३ असार ।
रोल्पामा प्रेसर कुकुर पड्किँदा एक महिला घाइते भएकी छन् । घाइते हुनेमा जिल्लाकाे परिवर्तन गाउँपालिका-२ राङ्सी चौधरास्थित रुपा राना रहेकी छन् ।
बुधबार बिहान घरमा खाना पकाउने क्रममा प्रेसर कुकर पड्किँदा राना घाइते भएकी हुन् ।
परिवर्तन गाउँपालिका १ कुरेली घर भएकी उनी आठ दिनअघि माइती घर राङ्सी चौधरा आएकी थिइन् । उनको अनुहार र शरीरका विभिन्न भागमा चोट लागेको जिल्ला प्रहरी कार्यालय रोल्पाका प्रहरी निरीक्षक सुनिल थापा नेपालीले जानकारी दिए ।
उनका अनुसार घाइते महिलालाई उपचारको लागि राप्ती स्वास्थ्य विज्ञान प्रतिष्ठान घोराही दाङ पठाएको छ ।
