बुटवल,८ जेठ ।
पाल्पाकाे तिनाउ गाउँपालिकामा पर्ने तिनाउ खोलमा पौडी खेल्ने क्रममा डुबेर एक भारतीय युवकको मृत्यु भएको छ । तिनाउको ड्याममा पौडी खेल्दा डुबेर बेपत्ता भएका भारतीय नागरिक मृत फेला परेको जिल्ला प्रहरी कार्यालय पाल्पाले जनाएको छ ।
मृत्यु हुनेमा भारत उत्तर प्रदेश, सिद्धार्थनगर जिल्ला नौगढ गाउँ जगदिसपुर बस्ने २२ वर्षीय सौरभ रस्तोगी रहेका छन् ।
अस्ती बुधबार पाल्पाको तिनाउ गाउँपालिका वडा नं. ३ स्थित तिनाउखोला ड्याममा पौडी खेल्नेक्रममा उनी डुबेर बेपत्ता भएका थिए ।
नेपाल प्रहरी र सशस्त्र प्रहरी बल नेपालको संयुक्त टोलीले खोजतलास गर्दा आज बिहान घटनास्थल भन्दा केही तल उनको शब फेला परेको प्रहरीले जनाएको छ ।
