चितवन,१९ मंसिर ।
चितवनमा राष्ट्रिय स्वतन्त्र पार्टी (रास्वपा) का कार्यकर्ता र प्रहरीबीच झडप भएको छ । सहकारीको बचत रकम अपचलन गरेको आरोपमा प्रहरी हिरासतमा रहेका सभापति रवि लामिछानेको पक्षमा नाराबाजी गर्दै रास्वपा कार्यकर्ताले प्रहरीमाथि ढुंगा प्रहार गरेपछि प्रहरीले पनि लाठीचार्ज गरेको हो ।
राजनीतिक प्रतिशोधविरुद्ध खबरदारी भन्दै भेला भएका रास्वपा कार्यकर्ताहरूकाे जुलुस भरतपुरकाे चौविसकोटीबाट प्रहरी कार्यालयतर्फ अगाडि बढ्न थालेपछि प्रहरीले रोक्न खोजेको थियो । त्यसक्रममा प्रदर्शनकारीबाट ढुंगा प्रहार गरेपछि प्रहरीले लाठीचार्ज गरेको हो । स्थितिलाई नियन्त्रणमा लिन ठूलो संख्यामा प्रहरी खटाइएकाे छ ।
अहिले जिल्ला सरकारी वकिलको कार्यालयमा लामिछानेको बयान भइरहेको छ ।





