काठमाडौं,१३ असाेज ।
बिहीबारदेखि परेको अबिरल वर्षाका कारण आएको बाढी र पहिरोमा परी मृत्यु हुनेको संख्या १७० पुगेको छ ।
गृहमन्त्रालयका अनुसार आइतबार राति ७.३० बजेसम्मको अपडेट अनुसार १७० जनाको मृत्यु भएको हो । विवरणअनुसार, ४२ जना अझै बेपत्ता छन् । बाढीपहिरोबाट उद्धार गरिएका १११ जना घाइते रहेको मन्त्रालयले जनाएको छ ।
त्यस्तै आइतबार काभ्रे, सिन्धुली, ललितपुरलगायतका जिल्लाबाट १६२ जनाको हेलिकप्टरबाट उद्धार गरिएको छ ।
काठमाडौँ प्रवेश गर्ने मुख्य नाका नागढुंगानजिकै रहेको झ्याप्लेखोलामा मात्रै ३५ वटा शव गाडीसँगै पुरिएको अवस्थामा फेला परेका छन् ।
