काठमाण्डौ,१८ साउन ।
प्रधानमन्त्री केपी शर्मा ओली नेतृत्वको मन्त्रिपरिषद्ले पूर्णता पाएको छ । नेपाली कांग्रेसबाट रुपा बिक र पूर्णबहादुर तामाङ तथा नागरिक उन्मुक्ति पार्टीबाट अरूण चौधरीलाई राज्यमन्त्रीमा नियुक्त गर्दै प्रधानमन्त्री ओलीले मन्त्रिपरिषदलाई पूर्णता दिएका हुन् ।

प्रधानमन्त्रीको सिफारिमा राष्ट्रपति रामचन्द्र पौडेलले शुक्रबार राज्यमन्त्रीहरु नियुक्त गरेकाे राष्ट्रपतिकाे कार्यालयले जनाएको छ ।
कांग्रेसकी बिकले वन तथा वातावरण राज्यमन्त्रीको जिम्मेवारी पाएकी छ भने तामाङले उर्जा जलस्रोत तथा सिंचाई राज्यमन्त्री र नागरिक उन्मुक्तिका चौधरीले संस्कृति पर्यटन तथा नागरिक उड्ययन राज्यमन्त्रीको जिम्मेवारी पाएका छन् ।

यसअघि प्रधानमन्त्री केपी शर्मा ओलीले शपथ लिएकै दिन २२ सदस्यीय मन्त्रिपरिषद् गठन गरेका थिए ।