काठमडौं,१७ माघ ।
परराष्ट्रमन्त्री डा विमला राई पौड्यालले भैरहवाबाट ढाका उडान सुरु गर्न बंगलादेशसँग र आग्रह गरेकी छन् ।
मंगलबार नेपालका लागि बंगलादेशका राजदूत सलाउद्दिन नोमन चौधरीबीच सिंहदरबारमा भएको भेटवार्तामा परराष्ट्रमन्त्री पौड्यालले भैरहवा अन्तर्राष्ट्रिय विमानस्थलबाट ढाका हवाई उडान सुरु गर्न राजदूत चौधरीलाई आग्रह गरेकी हुन् ।
सो भेटमा नेपाल र बंगलादेशबीचको पर्यटन व्यापार तथा कृषि क्षेत्रमा सहयोग र साझेदारी अभिवृद्धि गर्ने सम्बन्धमा पनि छलफल भएको परराष्ट्रमन्त्री पौड्यालको सचिवालयले जनाएको छ ।
सो अवसरमा राजदूत चौधरीले श्रीलंकाको ७५औँ स्वातन्त्रता दिवसका अवसरमा सहभागी हुने बंगलादेशी विदेशमन्त्री डा एके अब्दुल मोमेनसँग भेटवार्ता गरी दुई देशबीचको सहकार्यलाई अझ बलियो बनाउन परराष्ट्रमन्त्री पौड्यालसँग अनुरोध गरेका थिए ।
