धादिङ,२६ मंसिर । धादिङमा एक दम्पतीको हत्या भएको छ । जिल्लाकाे त्रिपुरासुन्दरी गाउँपालिका ३ आहालेमा गयराती आफ्नै घरमा सुतिरहेको अवस्थामा ६२ वर्षका विष्णुबहादुर आलेमगर र उनकी ६० वर्षीया श्रीमती निरमायाकाे विभत्स हत्या भएको हो ।
उनीहरूको शव ठाउँ–ठाउँमा धारिलो हतियारले प्रहार गरेर क्षतविक्षत बनाएको अवस्थामा भेटिएको जिल्ला प्रहरी कार्यालय धादिङका प्रहरी नायब उपरीक्षक श्याम खत्रीले जानकारी दिए ।
आलेमगर दम्पतीकाे घर एकान्तमा भएकाले घटना हुँदा कसैलाई जानकारी नभएको स्थानीयवासीले बताएका छन् । हुलाक सेवाका पूर्व कर्मचारी रहेका विष्णुबहादुरका एक छोरा दन्त उपचार सेवामा काठमाण्डाैमा बस्दै आएका छन् ।
घटनाबारे आवश्यक अनुसन्धान भैरहेको प्रहरीले जनाएको छ ।






