काठमाण्डौ,२५ असोज ।
आउँदो मंसिर ४ गते हुने प्रतिनिधि सभा र प्रदेश सभा सदस्य चुनावमा आधिकारिक उम्मेदवारका विरुद्ध बागी उम्मेदवारी दिएकालाई तोकिएको समय अवधिभित्रै उम्मेदवारी फिर्ता गर्न सत्ता गठबन्धन दलले निर्देशन दिएको छ ।
आज बसेको गठबन्धनका शीर्ष नेताहरूको बैठकले भोलि बुधवार असोज २६ गते दिउँसो १ बजेभित्र बागी उम्मेदवारले उम्मेदवारी फिर्ता लिन निर्देशन दिदै फिर्ता नलिए सम्बन्धित पार्टीले निष्कासन गर्ने चेतावनी समेत दिएको छ ।
बैठकपछि प्रधानमन्त्री तथा नेपाली कांग्रेसका सभापति शेरबहादुर देउवा, नेकपा (माओवादी केन्द्र) का अध्यक्ष पुष्पकमल दाहाल प्रचण्ड, नेकपा (एकीकृत समाजवादी) का अध्यक्ष माधवकुमार नेपाल र राष्ट्रिय जनमोर्चा पार्टीका अध्यक्ष चित्रबहादुर केसीद्वारा हस्ताक्षर गरिएको विज्ञप्तिमा भोलि बुधवार असोज २६ गते दिउँसो १ बजेभित्र बागी उम्मेदवारले उम्मेदवारी फिर्ता लिन निर्देशन दिदै फिर्ता नलिए सम्बन्धित पार्टीले निष्कासन गर्ने चेतावनी समेत दिइएको छ ।






