पाल्पा,२८ भदौ ।
पाल्पाकाे माथागढी स्थित झुम्सा खोलाले बगाएर एकजनाको मृत्यु भएको छ ।
मृत्यु हुनेमा पाल्पाको तिनाउ गाउपालिका वडा नं ४ बिजनचौरका अन्दाजी ५३ वर्षिय शेर बहादुर चौहान रहेका छन् ।
उनको शुक्रबार दिउँसो ३ बजेतिर माथागढी ४ सुर्कावास स्थित झुम्सा खोलाले बगाएर मृत्यु भएको जिल्ला प्रहरी कार्यालय पाल्पाले जनाएको छ ।
प्रहरीका अनुसार चौहान आज दिउँसो ३ बजेतिर खोला तर्ने क्रममा झुम्सा खोलाले बगाई करिब १५० मिटर तल खोलाको बीच भागमा मृत अवस्थामा फेला परेका थिए ।
मृतक चौहानको शव घटनास्थलमा प्रारम्भिक अनुसन्धान कार्य पश्चात पोष्टमार्टमको लागि जिल्ला अस्पताल पाल्पामा राखिएको प्रहरीले जनाएको छ ।
