बुटवल,५ कार्तिक ।
बुटवलका ८० सहित रुपन्देहीमा बुधबार थप १ सय ८७ जनामा कोरोना भाइरस संक्रमण पुष्टि भएको छ ।

पछिल्लो २४ घण्टामा रुपन्देहीमा ६८ महिला र १ सय १९ पुरुष गरी १ सय ८७ जनामा कोरोना संक्रमण पुष्टि भएको स्वास्थ्य कार्यालय रुपन्देहीले जनाएको छ ।

यससँगै रुपन्देही जिल्लामा कोरोना भाइरस संक्रमितको संख्या ५ हजार ३ सय ४७ पुगेको छ ।

स्वास्थ्य कार्यालय रुपन्देहीका अनुसार पछिल्लो २४ घण्टामा रुपन्देहीको बुटवल उपमहानगरपालिकामा ८० जना, तिलोत्तमा नगरपालिकामा ३६ जना, सिद्धार्थनगर नगरपालिकामा २३ जना, ,सैनामैना नगरपालिकामा १४ जना, देवदह नगरपालिका र कोटहीमाई गाउपालिकामा १२÷१२ जना, ओमसतिया गाउपालिकामा ३ जना,रोहिणी गाउपालिकामा २ जना तथा सियारी,कञ्चन र सुद्धोधन गाउपालिकामा १÷१ जना गरी १ सय ८७ जनामा कोरोना संक्रमण पुष्टि भएको छ ।

जिल्लामा हालसम्म ३ हजार १९ जना कोरोना संक्रमित उपचार पछि निको भएका छन भने ५९ जना कोरोना संक्रमितको मृत्यु भएको छ ।
हाल रुपन्देहीमा २ हजार २ सय ६९ जना कोरोना भाइरस संक्रमित उपचाररत रहेको स्वास्थ्य कार्यालय रुपन्देहीले जनाएको छ ।